លោកវរសេនីយ៍ឯកសោម សុភ័ណ្ឌ អធិការនគរបាលស្រុកស្វាយជ្រំ នៅព្រឹកថ្ងៃទី០៣ ខែកុម្ភ: ឆ្នាំ២០២៦ បានចូលរួមធ្វើបទបង្ហាញ ស្ដីពីវិ ជ្ជាជីវ:ជាមន្ត្រីនគរបាលជាតិ ជូនដល់ សិស្សានុសិស្សបានដឹងនិងទុកជាឯកសារសម្រាប់ការសិក្សា ក៏ដូចជាផ្តល់ដល់មន្ត្រីនគរបាលបានយល់ជ្រុលជ្រាបកាន់តែច្បាស់បន្ថែមទៀតអំពីតួនាទីភារកិច្ចរបស់ខ្លួន។       

កម្មវិធីនេះរៀបចំឡើងដោយសាលាជំនាន់ថ្មី ដែលមានទីតាំងស្ថិតនៅក្នុងភូមិស្វាយព្រហ៊ួត ឃុំគោកព្រីង ស្រុកស្វាយជ្រំ ខេត្តស្វាយរៀង ដោយមានការចូលរួម ពី លោក គង់ បូរិន នាយកសាលាជំនាន់ថ្មី

លោកវរសេនីយ៍ទោ ចាន់ វី អធិការរងទទួលផែនការងារសេនាធិការ លោកវរសេនីយ៍ត្រី ពេជ្រ  ធី នាយប៉ុស្តិ៍នគរបាលរដ្ឋបាលគោកព្រីង លោកអនុសេនីយ៍ត្រី កែ សុផានិត និងមន្រ្តីផ្នែកព្រហ្មទណ្ឌ

លោកគ្រូ អ្នកគ្រូសម្របសម្រួលនិងក្មួយៗសិស្សានុសិស្ស ជាច្រើនផងដែរ៕